ازاي اشتري نجيل صناعي واعرف تكلفته 2020

نجيل صناعي

ازاي اشتري نجيل صناعي واعرف تكلفته 2020

ازاي اشتري نجيل صناعي واعرف تكلفته 2020

اسعار نجيل صناعي تقدر تحددها من خلال أكثر من نقطة مهمين

1 – نوع شعر النجيله الصناعيه وكثافتها

2 – بلد نشأتها وتكوينها

3 – شهادات اعتماد وجودة النجيل الصناعي

4 – سعر الدولار واليورو

 

نوع شعر النجيله الصناعي وكثافتها

نجيل صناعي  هو البديل للنجيله الطبيعيه ويطلق عليه اسم النجيل الصناعي او العشب الصناعي وخلافه على حسب اختلاف البلد  .

وحتي الان المتخصصين في صناعة النجيله الصناعيه بيسعوا  يصنعوا منتج مماثل للنجيل الطبيعي في المواصفات و الشكل  وقدروا يوصلو بشكل كبير لمنتجات مطابقة للنجيله الطبيعيه .

وكمان قدروا يصنعوا نجيل صناعي عدد الشعر والكثافه  الخاصة بيها زي النجيله الطبيعيه بالضبط ويمكن افضل لكن

مش كل انواع النجيل الصناعي مواصفاتها زي بعض لانه فيه نجيله صناعيه الشعر الخاصة بيه سميكة او رفيعة

او عريضة وهكذا وطبعا كل نوع بيفرق من نوع لاخر بشكل كبير في السعر ده بالاضافة لعدد الغرز والكثافة الخاصة

بعينة النجيله الصناعيه ، علشان كدا نوع النجيله الصناعيه وكثافة الشعيرات وعددها عامل مهم في تحديد

سعر النجيله الصناعيه في مصر او العالم بشكل عام وكمان عامل مهم في تحديد سعر ملعب النجيل

الصناعي الخماسي او السداسي في مصر .

 

بلد نشأتها وتكوينها

بما اننا بنتكلم عن سعر  متر النجيله الصناعيه في مصر ، احنا هنتكلم عن المنتجات المتوفره في السوق

المصري وده هيكون ترتيبه على حسب الانتشار ، في بداية دخول النجيله الصناعيه في الاسواق كانت منتجات

النجيله الصناعيه الاسباني والايطالي اكتر المنتجات المتوفره وكان طبعا تكلفة وسعر المتر مربع من النجيل

الصناعي غالي لكن بدأت النجيله الصناعيه في الانتشار ودخلت انواع تانيه من النجيله الصناعيه التركي  و

الهولندى و الاسبانى واخيرا النجيل الصناعي المصري .

 

وللعلم علشان تشتري عشب صناعي كويس لازم يكون مؤهل انه يتركب ويتلعب عليه ، طب ازاي تعرف انه مؤهل ؟

 

المتحكم في عمليه جودة  النجيله الصناعيه واعتماداته هي الفيفا لأنها المنظمة العالمية للرياضة بشكل عام

وعشان كدا لازم تكون الفيفا  اصدرت موافقة على المنتج اللي هيركب في الملاعب ، وعلشان تكون معتمد من

الفيفا لازم تكون داخل الاتحاد الاوروبي ، وبالتالي لازم تكون من دول الاتحاد الاوربي ، علشان كده لما تيجي تشتري

نجيله صناعي لازم تتأكد من بلد المنشأ للشعره اللي اتصنعت فيه وانها تبع الاتحاد الاوروبي وده بالتالي بيأثر

على سعر النجيل الصناعي .

سؤال سريع : لو الشعر الخاص نجيل صناعي وطبقة الباده ( السجادة اللي هيتخيط فيها غرز شعر النجيله

الصناعيه ) من دوله تبع دول الاتحاد الاوروبي واتجمعت (تقفيل) مثلا في مصر هل ده يكون معتمد من الفيفا ومطابق للمواصفات ؟ ؟

 

شهادات اعتماد وجودة النجيل الصناعي

اجابة السؤال اللي فوق هل فعليا النجيله الصناعيه اللي اتجمعت واتقفلت في مصر او تركيا او من اي بلد من

البلاد الغير تابعه للاتحاد الاوروبي بيكون معتمد من الفيفا ؟

في الغالب شهادات الاعتماد بتكون اقوي دليل على ان عينات النجيل الصناعي مطابقه للمواصفات لان كل مصنع

المفروض بيصنع اي عينات نجيل صناعي بيروح للفيفا لقسم الجودة بالتحديد لاعتماد العينه ولو مطابقة للمواصفات

بيدفع مبالغ تأمينية علشان يضمنوا ان العينة بالمواصفات دي مش هتنزل أو يطلع منتجات غير مطابقه عن اللي

اعتمدها وبيستلم شهاده الاعتماد بمواصفات العينة كاملة مكتوب فيها اسم المصنع اللي تم اعتماده علشان كدا

مش اي منتج هيتباع ليك بيكون مطابق للمواصفات ومعتمد من الفيفا وده طبعا بيأثر على سعر النجيل الصناعي

في مصر .

 

سعر الدولار واليورو

اسعار النجيل الصناعيه في السوق المصري كانت قبل تعويم العملة الصعبة اقل بكتير من سعرها دلوقتي ، لان

جميع النجيله الصناعيه المتوفره في مصر مستوردة من الخارج وطبعا زي ما احنا عارفين ان الاستيراد مش

بالجنيه المصري عشان كدا لما سعر الدولار زاد بشكل مبالغ معظم المنتجات زادت الضعف وده بيأدي لارتفاع سعر

النجيله الصناعيه في مصر